Ўзбекистонда БМТ Тараққиёт дастури экологик лойиҳаларонинг амалга оширилиши хорижда юқори баҳоланди, дея хабар бермоқда UzDaily. Улардан бири — «Қорақалпоғистон ва Қизилқум чўлидаги таназзулга учраган ерларда экотизим барқарорлигига эришиш» лойиҳасини амалга оширгани учун Ирина Бекмирзаева Energy Globe Award халқаро жамғармасининг фахрий ёрлиғига эга бўлди.
Ушбу лойиҳа амалга оширилган беш йил давомида қумни тўсиш бўйича инновацион техник ечимлар ишлаб чиқилди, минтақа аҳолиси билан ҳамкорликда ер манбаларини янада яхлит ҳолда қўллашнинг мукаммалроқ услубларини қидириш ишлари олиб борилди.
Олинган натижалар фавқулодда муҳим амалий аҳамият касб этди, улар Ўзбекистоннинг бошқа ҳудудларида ва ўхшаш табиий иқлимга эга чет мамлакатларда ҳам муваффақият билан қўлланилиши мумкин.
Energy Globe Award жамғармаси мукофотлари экология соҳасида дунёдаги энг нуфузлиларидан бири ҳисобланади. Улар ўтган аср сўнгидан бошлаб «Ер манбаларини тежамкорлик билан ишлатиш ва муқобил энергия манбаларидан фойдаланиш»га қўшган ҳиссаси учун топширилади.
Изоҳ (0)