Австралияда дунёдаги энг катта меҳмонхона қурилади

Австралиянинг шимоли-саҳрқий қисмида, Катта тўсиқ рифи яқинида олти юлдузли Aquis Great Barrier Reef Resort меҳмонхонаси қурилиши режалаштирилмоқда, деб хабар берди «Корреспондент.net».

Собиқ шакарқамиш даласи ҳудудидаги 138 гектарлик майдонга қуриладиган мажмуа 7500 та хонага эга бўлиб, бир вақтнинг ўзида 12 минг меҳмонни қабул қила олиши кўзда тутилган. 2024 йилгача икки босқичда қурилиши режалаштирилган меҳмонхона лойиҳасига 5,6 миллион евро сарфланиши кутилмоқда.

Дунёдаги энг йирик меҳмонхонага айланадиган бу мажмуа йилига бир миллион меҳмонни қабул қилиши, бундан ташқари кўнгилочар инфратузилма эвазига яна қўшимча 500 минг кишига хизмат кўрсатиши мумкин.