Ўзбекистон терма жамоаси сардори Сервер Жепаров Кореянинг «Сеонгнам» клубини тарк этади

Жанубий Кореянинг «Сеонгнам» клуби ижрочи директори Шин маҳаллий матбуотга берган интервьюсида Сервер Жепаров билан шартнома узайтирилмаслигини таъкидлаб ўтди. Бу ҳақда Korea Football News’нинг твиттерига таяниб, «Stadion.uz» хабар бермоқда.

Демак, Ўзбекистон миллий терма жамоаси сардори навбатдаги мавсумни бошқа жамоада бошлаши аниқ.

Маълумот ўрнида, сеонгнамликлар йил давомида Жепаровнинг катта маош олишига ишора қилиб, унинг ўйини маошига мос эмаслиги борасида тинимсиз танқидлар ёғдирган эди.