Microsoft компанияси 50 миллион дона Lumia смартфонлари ишга туширилганини эълон қилди
Microsoft Германияда тадбир ташкил қилди ва унда шу кунгача 50 миллион дона Lumia смартфонлари ишга туширилганини эълон қилди. Бу ҳақда Phonearena.com маълумотига асосланиб «Пароль» нашри хабар берди.
Шу билан бирга Windows Phone операцион тизимида дастур яратиш учун 560 минг нафар девелопер фаолият олиб бормоқда. Ҳозирда ушбу операцион тизимнинг онлайн-дўконида 320 мингта дастур мавжуд. Ўтган йилнинг декабрида ушбу кўрсаткич 200 мингтани ташкил этар ва жорий йилнинг апрелида 250 мингтага етган эди. 2012 йилнинг октябрида эса 120 мингта Windows Phone учун мўлжалланган дастур мавжуд бўлган.
Таққослаш учун, 2010 йилнинг мартида iOS қурилмалари учун 170 мингта, Android учун эса 30 мингта дастур мавжуд бўлган ва ҳозирда ушбу иккала операцион тизимнинг онлайн-дўконида бир миллиондан ортиқ дастур мавжуд.
Шунингдек, «Пароль» нашрида қуйидаги мақолаларни ҳам ўқишингиз мумкин:
- Facebook ижтимоий тармоғидан ўзбек тилида фойдаланиш имконияти яратилди;
- 8 метр квадрат майдонни эгаллаган, деярли барча шароити мавжуд кичик ҳажмдаги уй (фото).
