Киев Россияга бетараф ҳудудда Донбасс бўйича музокаралар олиб боришни таклиф қилди

Украина Россияга нейтрал ҳудудда Донбассдаги вазиятни муҳокама қилиш учун жиддий музокаралар ўтказишни таклиф қилди. Бу ҳақда Киевда Норвегия бош вазири билан биргаликда бўлиб ўтган матбуот анжуманида Украина бош вазири Арсений Яценюк айтиб ўтди, деб ёзади «РБК».

18 ноябрь, сешанба куни аввалроқ Яценюк мамлакат шарқидаги вазият бўйича Женева форматидаги консультациялар энг мақбул деб ҳисоблашини таъкидлаган эди. Бунда гап Европа Иттифоқи — АҚШ — Россия формати ҳақида бормоқда.

Яценюк фикрича, Донбассдаги низолар ечими биринчи навбатда Россия президенти Владимир Путин хоҳишига боғлиқ. «Агар у истаса, Украинадаги бу урушни тўхтатиши мумкин», — деди Яценюк.