LG компанияси мобил қурилмалар учун мўлжалланган NUCLUN процессори ва ушбу процессор ўрнатилган G3 Screen смартфонини тақдим этди. Бу ҳақда Phonearena.com маълумотига асосланиб «Пароль» нашри хабар берди.

NUCLUN процессори 1,5 ГГц частотали тўртта ва 1,2 ГГц частотали тўртта — жами саккиз ядродан ташкил топган. Шунингдек, LG компанияси NUCLUN процессори ўрнатилган G3 Screen смартфонини ҳам эълон қилди.

Ушбу смартфонда 5,9 дюйм 1080×1920 пикселли дисплей, 2,1 мегапикселли олд ва 13 мегапикселли орқа камера (OIS+ билан), 2 Гб тезкор ва 32 Гб ички хотира (+MicroSD), 3000 мА·соат қувватга эга батарея ва Android 4.4 KitKat операцион тизими ўрнатилган. 

Унинг ўлчамлари 157,8×81,8×9,5 миллиметрни, оғирлиги эса 182 граммни ташкил этади. LG G3 Scреен смартфони тахминан 750 доллардан сотилиши кутилмоқда.  

26 октябрь ҳолатига кўра Ўзбекистонда сотилаётган энг арзон ва энг қиммат LG смартфонларининг нархлари билан «Пароль» нашрида танишишингиз мумкин.