Ўзбекистон Осиё инфратузилмавий инвестициялар банки (ОИИБ) таъсисчиларидан бирига айланди, дея хабар бермоқда UzDaily. Унинг устав капитали 100 миллиард долларга тенг бўлиши прогноз қилинмоқда.
24 октябрь куни Хитойнинг Пекин шаҳрида ОИИБни тузиш бўйича ўзаро ҳамжиҳатлик ҳақидаги меморандумни имзолаш маросими бўлиб ўтди.
Меморандумни Ҳиндистон, Сингапур, Вьетнам, Филиппин, Монголия, Бангладеш, Бруней, Камбожа, Қозоғистон, Хитой, Қувайт, Лаос, Малайзия, Мьянма, Непал, Уммон, Покистон, Қатар, Шри-Ланка, Таиланд ва Ўзбекистон имзолади.
Янги молиявий муассасанинг асосий мақсади Осиё мамлакатларида инфратузилмавий лойиҳаларни амалга оширишдан иборат бўлади. Молиялаштиришнинг асосий йўналишлари энергетика, транспорт, логистика, шаҳар ва қишлоқ инфратузилмаси бўлади.
ОИИБнинг бош қароргоҳи Пекинда жойлашади. Унинг бошланғич капитали 50 миллиард доллар бўлса, келажакда 100 миллиард долларгача кўпайтирилади. Банк расман 2015 йил охирида ишга тушади.
Изоҳ (0)