Туркманистон президенти Гурбангули Бердимуҳамедов Ўзбекистоннинг «Мустақиллик» ордени билан мукофотланди. ЎзА хабарига кўра, бу ҳақдаги Ўзбекистон Президенти фармони 22 октябрь куни имзоланган, деб ёзади «Кун».
Хабар беришларича, Туркманистон президенти «ўзбек ҳамда туркман халқлари ўртасидаги ҳар томонлама дўстлик ва яхши қўшничилик муносабатларини мустаҳкамлаш, Ўзбекистон билан Туркманистон ўртасида ўзаро манфаатли ва самарали ҳамкорликни ривожлантириш борасидаги катта хизматлари, тинчликни таъминлаш ва халқаро алоқаларни кенгайтириш ишларига қўшган салмоқли ҳиссаси учун» мукофотланган.
«Мустақиллик» ордени 1994 йил 5 майида таъсис этилган бўлиб, орден билан мустақил ҳуқуқий давлат барпо этиш ва уни мустаҳкамлашга, Ўзбекистонда тинчлик ва тараққиётни таъминлашга қўшган ҳиссалари учун Ўзбекистон фуқаролари, айрим ҳолларда эса Ўзбекистон фуқароси бўлмаган шахслар ҳам мукофотланиши мумкин.
«Мустақиллик» ордени билан мукофотланган шахслар энг кам ойлик иш ҳақининг етмиш беш карраси миқдорида бир йўла тўланадиган пул мукофоти оладилар.
Изоҳ (0)