Мьянма давлатининг Янгон шаҳридаги Youth Training Centre стадионида 19 ёшгача бўлган ёшлар ўртасидаги Осиё чемпионатининг дастлабки ярим финал учрашуви ниҳоясига етди, деб хабар берди Uff.uz.

Унда Ўзбекистон терма жамоаси КХДР термасига қарши майдонга тушиб, 0:5 ҳисобида мағлубиятга учради.

Аслида бунақанги мағлубиятни ҳеч ким кутмаганди. Аксинча, кўпчилик Ўзбекистон термасидан Осиё чемпионлигини кута бошлаганди.

Майдонда ҳаракат қилган ўйинчилар бошиданоқ ғалабага бўлган хатти-ҳаракатларни амалга ошира олмади. Натижада йирик ҳисобда мағлубиятга учраб, мусобақани тарк этадиган бўлди.

Осиё чемпионати, ярим финал

Ўзбекистон — КХДР: 0:5

Голлар: Ҳамроев (5 автогол), Чо Кванг Мён (39), Чо Кванг Мён (66), Ким Ю Сонг (70), Со Чо Хёнг (74)

КХДР: Ча Жон Хунг, Чанг Кум Нам, Мин Хё Сонг, Чан Кум Донг, Канг Нам Гвон, Ри Ун Чол, Ким Ю Сонг, Чо Сол Сонг, Чо Кванг Мён, Жин Ил Сок, Ким Кук Чол.

Ўзбекистон: Дилшод Ҳамроев, Иброҳим Абдуллаев, Фирдавс Абдусалимов, Достон Турсунов, Жавоҳир Соҳибов, Аслиддин Абдиев, Отабек Шукуров, Жамшид Болтабоев, Хуршид Ғиёсов, Забиҳулло Ўринбоев, Элдор Шомуродов.