Инчеонда бўлиб ўтаётган Осиё ўйинлари футбол мусобақасининг финалида Корея Халқ Демократик Республикаси терма жамоасини мағлубиятга учратган Корея Республикаси терма жамоаси аъзолари ҳарбий хизматдан озод этилди, деб хабар бермоқда «Сегодня».
Шундай қилиб, шимоллик қўшниларини ҳал қилувчи баҳсда минимал ҳисобда енгган жанубликлар 22 ойлик ҳарбий хизматга бормайдиган бўлди. Шимолий Корея терма жамоаси аъзоларини эса нима кутаётгани маълум эмас.
Эслатиб ўтамиз, Осиё ўйинларида ҳам Олимпия ўйинлари каби фақат 23 ёшгача бўлган футболчилар қатнашиши мумкин. Истисно тариқасида 3 нафар 23 ёшдан катта футболчиларнинг иштирокига рухсат берилади.
Изоҳ (0)