Европа Иттифоқи Эрондан газ импортини йўлга қўйишга қизиқиш билдирмоқда. Бу ҳақда «Украинская энергетика»га таяниб «Европейская интеграция» интернет-нашри хабар бермоқда.
Икки зарур шарт − санкцияларнинг бекор қилиниши ва газ қувурлари инфратузилмасининг қуриб битказилиши масалалари Европа Иттифоқи режаларига тўсиқ бўлолмайди, деб маълум қилган Европа Комиссиясидаги манба. Эрон Россия газига боғлиқликни камайтиришга ёрдам берадиган ўрта муддатли чораларнинг устувор қисмидир. Эрон гази Европага анча осон келиши мумкин, сиёсий жабҳада эса Теҳрон ва Ғарб ўртасида яққол яқинлашув кўзга ташланмоқда, дейилади манбада.
Газ заҳиралари бўйича дунёда Россиядан кейин иккинчи ўринда турадиган Эрон ядро дастури бўйича Ғарб билан музокараларни инобатга олган ҳолда Европага газ етказиб бериш бўйича яхши муқобил сифатида кўрилмоқда.