Сўнгги янгиликлар
    • USD 12206.13
    • RUB 127.07
    • EUR 12981.22
    Маҳаллий

    ОТБ Ўзбекистонда 2014—2015 йилларда ЯИМ ўсиши прогнозини пасайтирди

    5659

    Осиё тараққиёт банки (ОТБ) Ўзбекистонда 2014 ва 2015 йилларда ялпи ички маҳсулот ўсиши ҳақидаги прогнозини пасайтирди, дея хабар бермоқда UzDaily.Uz.

    Фото: abc.net.ау

    Фото: abc.net.ау

    ОТБнинг «Осиё тараққиёти янгиланган шарҳи» нашрига биноан Ўзбекистонда 2014 йилда ЯИМ ўсиши 7,6 фоизни ташкил қилади. Жорий йилнинг апрель ойида эса ОТБ экспертлари юртимизда ЯИМ миқдори 2014 йилда 8 фоизга ўсишини тахмин қилган эди.

    Шунингдек, ОТБ Ўзбекситонда 2015 йилда ҳам ЯИМ ўсиши ҳақидаги прогнозини 7,8 фоиздан 7,1 фоизга туширган. Ҳисоботда айтилишича, прогнозларнинг пасайиши Ўзбекистоннинг асосий савдо ҳамкорлари ҳисобланган Россия, Хитой ва Жанубий Кореядаги иқтисодий ҳолатнинг ёмонлашуви билан боғлиқ.

    ОТБ прогнозларига кўра, Ўзбекистонда инфляция даражаси 11 фоизни, 2015 йилда эса 10 фоизни ташкил қилади − бу борада тахминлар ўзгармаган. Жорий операциялар ҳисоби салдоси 2014 йилда ЯИМнинг 3,9 фоизини (апрелдаги ҳисоботда 4,7%), 2015 йилда 2,8 фоизини (апрелдаги ҳисоботда 3,6%) ташкил қилиши прогноз қилинган.