Furukawa Battery номли япон компанияси сувдан фойдаланиб ишлайдиган аккумулятор ишлаб чиқарди. Бу ҳақда ИТАР-ТАСС ахборот агентилиги маълумотига асосланиб «Пароль» нашри хабар берди.
Аккумулятор Mg Box деб номланди ва унинг ёрдамида смартфон ҳамда бошқа гаджетларни зарядлаш мумкин. Ушбу қурилма декабрь ойида, тахминан 93 доллардан сотувга чиқарилиши кутилмоқда.
Қурилмани ишлатиш учун унга икки литр одатий сув қуйиш зарур бўлади. Аккумулятор беш кун давомида электр энергияси ишлаб чиқаради ва бу муддат оралиғида смартфонни тахминан 30 марта зарядлаш мумкин.
Японийлик мутахассислар Mg Box қурилмасида магний, сув ва кислороднинг ўзаро кимёвий таъсирлашуви натижасида электр энергияси ҳосил бўлишидан фойдаланишган. Ихтирочиларнинг фикрича, ушбу аккумулятор табиий офат пайтларида катта фойда келтиради.
Изоҳ (0)