16 июль, чоршанба куни Гаага суди 1995 йили Босния ва Герцеговина шарқида жойлашган Сребреница шаҳридаги қирғин оқибатида ҳалок бўлган 8000 кишидан 300 тасининг ўлимига Голландияни жавобгар деб топди. Мазкур воқелик Иккинчи жаҳон урушидан кейин Европа тарихида содир бўлган энг катта фожеа бўлиб, унга Голландия ҳукумати қисман айбдор деб топилди. Бу ҳақда Euronews хабар қилди.
Гаага судининг қайд этишича, Сербия ва Босния ўртасида содир бўлган можародан қочиш ниятида 300 нафар бошпана сўраган босниялик мусулмонларни Сребреницада жойлашган Голландия базасидан чиқариб юбориш уларни қатлга маҳкум этиш билан баробар эканлигини Голландиянинг тинчликпарвар кучлари англашлари керак еди.
Суднинг таъкидлашича, Голландия Сребреница атрофидаги ўрмонга қочган эркак ва ўсмирларнинг ўлимига жавобгар эмас.
Қайд этилишича, ушбу ҳукм келажакда содир бўладиган шунга ўхшаш ҳолатларда тинчликпарвар кучлар тоғри қарор қабул қилишга хизмат қилади.
Эслатиб ўтамиз, уч йил давом этган Босния урушида 100 000 дан ортиқ киши ҳалок бўлган. Бу уруш Югославиянинг парчаланиши пайтида содир бўлган энг қонли урушдир.
Изоҳ (0)