Samsung, Dell ва Intel каби йирик ишлаб чиқарувчилар ақлли уй гаджетларини стандартлаштириш устида бирлашмоқда. Бунда ақлли уйдаги термостат, музлатгич каби буюмларни бир-бири билан боғлана оладиган қилиш учун умумий қоидалар ишлаб чиқилади. Бу ҳақда Mashable нашри хабар берди.
Лойиҳада Microsoft, LG, Panasonic, Sharp ва Qualcomm каби жами 51 электроника ва дастурий таъминот билан шуғулланувчи компания ёрдамидан фойдаланилади.
Масалан, ҳоизр Samsung музлатгичи Sony телевизори билан «гаплаша» олмайди. Чунки ҳар бир компания гаджетларида бошқа компанияникига ўхшаш бўлмаган дастурлардан фойдаланади. Стандартлаштириш натижасида эса барча компанияларнинг буюмлари биргаликда ақлли уй ҳосил қилади ва улар бир-бири билан бемалол боғлана олади.