ЖЧ — 2014 нимчорак финал босқичидан ўрин олган Бельгия – АҚШ учрашуви ўз ниҳоясига етди. Томонлар ғолиб номини асосий вақтда аниқлай олишмади ва ҳакам 15 дақиқалик иккита қўшимча бўлимлар тайинлади. Якунда Европа қитъаси вакиллари, белгияликлар қийин бўлган ғалабани қўлга киритишди, дея хабар берди Uff.uz.
Учрашув АҚШнинг жуда тартибли ўйини билан бошланганига қарамай, белгияликлар тинмай Ховард дарвозаси олдида хавфли вазиятлар яратишди. Бироқ америкалик посбон бу учрашувда 10 дан ортиқ сейвларни амалга оширди.
Иккинчи бўлим эса тўлиқ Бельгия жамоаси устунлигида ўтди, бироқ Ориги кўплаб вазиятлардан унумли фойдалана олмади.
Қўшимча бўлимларда бўлса жамоалар дарвоза томон йўл топа билишди. 93-дақиқада де Брюне ҳисобни очган бўлса, 105-дақиқада захирадан майдонга тушган Лукаку ҳисобни 2:0 кўринишига олиб келди.
107-дақиқадаги Гриннинг киритган голи бўлса АҚШ термасига келаси босқични тақдим этмади.
Шу тариқа Бельгия ЖЧ — 2014 мусобақаси чорак финалига йўл олди. Мазкур босқичда уларга Аргентина рақиблик қилади.
ЖЧ —20141/8 финал босқичи
Бельгия – АҚШ 2:1 (0:0)Голлар: 1:0 – 93 де Брюйне, 2:0 – 105 Лукаку, 2:1 – 107 Грин.Бельгия – Куртуа, Алдервейрелд, ван Бейтен, Компани, Вертонген, Феллайни, Вицел, Мертенс (Мираляс, 60), де Брюйне, Э. Азар (Шадли, 111), Ориги (Лукаку, 91).АҚШ – Ховард, Жонсон (Едлин, 32), Кемерон, Безлер, Гонсалес, Бисли, Бредли, Ж. Жонс, Бедойя (Грин, 105), Зуси (Вондоловски, 72), Демпси.Огоҳлантиришлар: Кемерон (18), Компани (42).
Изоҳ (0)