Одил Аҳмедов «Краснодар» клуби билан келишувга эришди

Ўзбекистон миллий терма жамоаси ҳамда Махачқалъанинг «Анжи» клуби ярим ҳимоячиси Одил Аҳмедов «Краснодар» клуби билан келишувга эришди. Бу ҳақда «Olamsport» хабар берди.

Аввалроқ, Одил Аҳмедовнинг шартнома тузиш учун «Краснодар» клуби офисига келгани ҳақида хабар берилган эди. Шартнома имзолангани тўғрисидаги расмий маълумот эртага берилади.

Аҳмедовнинг трансфери 8 миллион еврога баҳоланмоқда.

Таъкидлаш жоиз, «Краснодар» клуби янги мавсумда Европа Лигасида иштирок этади. «Анжи» эса Россия Биринчи лигасида мавсумни бошлайди.