«Катта еттилик» Россияни Украина бўйича янги санкциялар ҳақида огоҳлантирди

«Катта еттилик» етакчилари Россия Украинадаги низоларни тўхтатиш йўлидан бормаса, унга санкциялар киритиш билан таҳдид қилмоқда. Бу ҳақда Euronews хабар берди.

Брюсселдаги «Катта еттилик» саммитида Ғарбда таъкидланаётганидек, Россия Украина шарқига қурол-яроғлар етказиб беришни тўхтатмаса, уни жазолашга келишиб олишди.

Германия Канцлери Ангела Меркель зудлик билан ечим топиши керак бўлган саволлар бўйича Россия билан келишувга эришилмаса, захирадаги санкциялар учинчи босқичини ишга солиш ҳақида қатъий баёнот берди. «Биз Украинада вазиятнинг янада беқарорлашувига йўл қўймаймиз», — деди у.