Сергей Лушан «Бунёдкор» бош мураббийи этиб тайинланди

Сергей Лушан «Бунёдкор» футбол клуби бош мураббийи этиб тайинланди. Бу ҳақда клуб сайти хабар берди.

3 июнь куни «Бунёдкор» футбол клубида йиғилиш бўлиб ўтди. Унда жамоа аъзоларига янги бош мураббий Сергей Лушан расман таништирилди.

Хабарда таъкидланишича, Сергей Иванович «Бунёдкор» футбол клуби учун бегона эмас. У 2007—2008 йиллар давомида «қалдирғочлар» сафида ҳаракат қилган. 2009 йилдан бошлаб футбол мактабимизда ёш спортчилар билан ишлаб келаётган эди. Шунингдек, у ўз шогирдлари билан бирга «Бунёдкор-2» номи остида биринчи лига баҳсларида қатнашган. «Бунёдкор» ёшлар жамоаси билан ҳам ишлаган.

Эслатиб ўтамиз, Миржалол Қосимов эътиборни миллий терма жамоага қаратгач, «Бунёдкор»ни вақтинча Александр Волков бошқарди.