Gangnam Style клипи YouTube тарихида биринчи бўлиб икки миллиард марта томоша қилинди

Жанубий кореялик рэпер PSY’нинг Gangnam Style қўшиғига ишланган клип YouTube тарихида биринчи марта икки миллиард марта томоша қилинганлик кўрсаткичига эга бўлди. Бу ҳақда YouTube сайтида клиплар томошаси бўйича статистика гувоҳлик берди.

31 май куни Тошкент вақти билан 18:30 да жанубий кореялик қўшиқчининг клипи 2 миллиард 482 минг марта кўрилган. 2 миллиард маррасига эса шанба куни эрталаб етиб келган.

Видеолавҳа YouTube’да оммалашган бошқа клипларни катта фарқ билан ортда қолдирмоқда. Масалан канадалик ижодкор Жастин Бибернинг Baby қўшиғи клипи бир миллиард мартадан кўпроқ кўрилган бўлса, Ylvis гуруҳининг The Fox клипи бор-йўғи 415 миллион марта томоша қилинган.