АҚШ президенти Барак Обама сешанба куни маълум қилишича, Афғонистондаги Америка қўшинлари сони 2014 йилдан сўнг 9800 нафарни ташкил қилади. 2015 йил давомида гуруҳ таркибининг тахминан ярми Афғонистонни тарк этади. Бу ҳақда Interfax хабар берди.
«2016 йилда АҚШнинг Афғонистондаги ваколатхонаси Қобулдаги элчихона билан чекланади, унга соқчилик бўлинмаси бириктирилади, — деди Обама. — 2014 йил Афғонистон учун кескин бурилиш ясайди ва ушбу мамлакатдаги АҚШ операцияси якунланиши билан тарихда қолади».
Таъкидлаш жоиз, Афғонистоннинг янги ҳукумати хавфсизликни таъминлаш ҳақида битимни имзоласагина, қўшинлар олиб чиқиб кетилади.
Айни пайтда Афғонистонда 32 минг нафар америкалик ҳарбий хизматчилар бор. Уларнинг сони йил охирида АҚШ ва НАТО ҳарбий операцияларни расман тугатганидан сўнг ўзгаради. Бунда кўп нарса янги ҳукуматнинг хавфсизликни таъминлаш ҳақидаги битимни имзолаш-имзоламаслигига боғлиқ.
Эслатиб ўтамиз, Афғонистоннинг амалдаги президенти Ҳамид Карзай Барак Обама билан хавфсизлик тўғрисида битим имзолашдан бош тортган эди.
Изоҳ (0)