Пайшанба куни Украинанинг Донецк вилояти Благодатное қишлоғи яқинидаги украин армияси блокпостига номаълум кишилар ҳужум қилди, натижада Украина ҳарбийларининг 16 нафари ҳалок бўлди, 30 дан ортиғи яраланди. Бу ҳақда Euronews хабар берди.
Украина мудофаа вазирлиги бу иш россияпараст айирмачилар томонидан амалга оширилганини таъкидламоқда. Россия ОАВлари талқинига кўра, тинч аҳолини ўққа тутишни хоҳламаган ҳарбийларга ёлланма аскарлар томонидан жазо ҳужуми уюштирилган.
Бу орада россияпараст исёнчилар Донецк вилоятидаги Горловка шаҳар милиция бошқармасини эгаллаб олишди ва уларнинг сўзларига кўра, украин ҳарбийларидан тортиб олинган қуролларни намойиш этишди.
Изоҳ (0)