Beeline алоқа оператори манзили ўзгартирилган зарарли линк бўлган янги SMS-спамнинг тарқатилаётгани ҳақида огоҳлантирмоқда. Бугун, 20 май куни абонентлар «Привет! Тебе фото: https://strofan.ru/.............../» кўринишидаги SMS-хабарни қабул қилмоқда, деб маълум қилади компания матбуот хизмати.
Спам-ҳужум ўтган ҳафтадаги каби, абонентнинг уяли мосламасига зарарли дастурни ўрнатиш ва хавфли линкни унинг контакт рўйхатидаги барча рақамларга жўнатишга мўлжалланган. Бунинг натижасида абонентлар шахсий маълумотларини, пул маблағларини йўқотишлари, уяли мосламаларига зарарли дастурни юклаб олишлари мумкин.
«Яна бир бор эслатиб ўтамиз, шундай SMS олинган вазиятда, уни зудлик билан ўчириб ташлаш, зинҳор берилган ҳаволага ўтмаслик зарур, – дейди Beeline’нинг ахборот технологиялари бўйича директори Евгений Когай. – Бизнинг мутахассислар зарарли сайтларни ёпиб қўйди. Шу боис энди Beeline’нинг мобил интернетидан фойдаланувчилар учун хавф йўқ. Лекин Wi-Fi тармоқлари орқали зарар кўриш эҳтимоли бор, шунинг учун эҳтиёткор бўлиш зарур».
Эслатиб ўтамиз, спам-тарқатилиши жараёнида қўлланилаётган зарарли дастур авваломбор Android операцион тизимида ишлайдиган мосламалар учун хавфли.
Изоҳ (0)