«Экспресс-АМ4Р» йўлдошини олиб кетаётган «Протон-М» элтувчи ракетаси стартдан 9 дақиқа ўтиб ерга қулаб тушди. Бунга ажралишнинг иккинчи ва учинчи босқичлари оралиғида двигателларнинг ўчиб қолиши сабаб бўлди. Бу ҳақда «ИТАР-ТАСС» хабар берди.
Бойқўнғир космодромидан 16 майга ўтар кечаси ракета ўз вақтида учирилган, бироқ парвознинг 540-сониясида қурилма билан алоқа узилиб қолган. «РИА Новости» ёзишича, ҳалокат парвознинг 545-сониясида «Экспресс-АМ4Р» йўлдошининг «Бриз-М» тезлатувчи блокидан ажралишига 40 сония қолганида рўй берган.
«Протон-М» бўлаклари Қозоғистондан ташқарига, режалаштирилмаган ҳудудга тушгани тахмин қилинмоқда.
«Бриз-М» тезлатувчи блокида қолган ёқилғи тушиш вақтида атмосферада ёниб кетган, бунга ракетанинг 150 километр баландликка чиқиб улгургани қулайлик яратган.
Фавқулодда ҳолат сабаблари махсус тузилган комиссия томонидан аниқлаштирилади.
Изоҳ (0)