Olive Telecom ўзбек-ҳинд қўшма корхонаси яқин орада икки хил моделдаги уяли телефонларни ишлаб чиқаришни йўлга қўяди. Бу ҳақда ҚК вакили «Подробно» нашрига маълум қилди.
З80 деб номланган биринчи модел 325 минг сўм атрофида сотилади. У 2,4 дюймли сенсорли ТFТ дисплей, 0,3 мегапикселли олд ва 2 мегапикселли орқа камералар, 1500 мА/с сиғимидаги аккумуляторга эга бўлади. Телефон оғирлиги 110 граммдан иборат.
Иккинчи К100 телефони эса 800 минг сўм нархда бўлиб, Android 4.0.4 операцион тизимида ишлайди. У 4,5 дюймли LCD дисплей, 5 мегапикселли камера, 512 Мб тезкор ва 4 Гб ички хотира ҳамда 2000 мА/с сиғимидаги аккумулятор билан таъминланади.
Маълум бўлишича, корхона телефонларнинг биринчи синов партиясини шу йилнинг июлида чиқаради. Дастлаб ҳар иккала моделга тегишли 5 мингта қурилма сотувга чиқарилади.
Изоҳ (0)