Motorola 13 май куни компания Google’га тегишли бўлган даврда ишлаб чиқилган сўнгги смартфонни тақдим этди. Бу ҳақда PC World нашри хабар берди.
Янги Moto E смартфони АҚШ ва Англияда шартномасиз 150 доллар туради. Нашрнинг фикрича, Motorola бундан аввалги Moto G смартфонининг оммабоплигидан фойдаланиб қолмоқчи.
Смартфон 5 мегапикселли асосий камера, 4 Гб ички хотирага эга бўлади. Инглизча версияси тўрт ядроли процессор ва LTE билан таъминланади. Тақдимотдаги суратларга кўра, қурилма Android операцион тизимида ишлайди, деб ёзади нашр.
30 январь куни Google Motorola Mobility’ни Lenovo корпорациясига сотди. Олди-сотди ҳали расман якунланмаган бўлса-да, тез орада у битиши ва бошқа операцион тизимда ишлайдиган Motorola смартфонлари пайдо бўлиши кутилмоқда.
Изоҳ (0)