Руминиядаги граф Дракула қасри сотувга қўйилди

Афсоналарга кўра граф Дракулага тегишли бўлган Руминиядаги Бран қасри сотувга қўйилди. Бу ҳақда «ИTАР-ТАСС» хабар берди.

Қўрғон Габсбурглар қироллик сулоласи авлодига қарайди, унга қаср ўтган асрда мерос қолган. Қаср хўжайини Доминик фон Габсбургнинг айтишича, у энг машҳур вампирнинг маконини бошқаришни эплаёлмай қолиши мумкин. «У сайёҳлар орасида энг оммабоп жойлардан биридир, унга мос сармоядор қидирмоқдамиз», — деди Габсбург.

Қаср нархи эълон қилинмаган, бироқ аввалроқ Доминик уни Руминия давлати ихтиёрига 80 миллион доллар эвазига топширмоқчи бўлган.