АҚШ Миллий хавфсизлик агентлиги хорижга етказиладиган серверларга «қўнғизча»лар ўрнатиши маълум бўлди

АҚШ Миллий хавфсизлик агентлиги (МХА) Америкада ишлаб чиқарилган маршрутизатор, сервер ва бошқа тармоқ қурилмаларига улар хориж мижозларига жўнатилишидан олдин яширинча «қўнғизчалар» («жучок») ўрнатади. Бу ҳақда The Guardian газетаси маълумотига таяниб, «ИТАР-ТАСС» хабар берди.

Натижада МХА интернет тармоғидаги бутун сегментлар устидан назорат олиб боради.

Махфий операциялар шундан иборатки, МХА АҚШдан импорт қилиниш учун тайёрланган қурилмалар партияларини қўлга киритиб, уларни яширинча кузатув воситалари билан жиҳозлайди ва қайтадан ўраб, завод муҳрини қўяди. Шундан кейин маҳсулот мижозларга жўнатилади.

Ушбу маълумотлар The Guardian нашрининг собиқ журналисти, Эдвард Сноуден ҳужжатлари бўйича биринчилардан бўлиб мақола ёзган Гленн Гринвалднинг янги китобида келтирилган.