Гиннеснинг Рекордлар китоби мутахассислари Ер юзидаги энг кекса кишини аниқлашди. Энди ушбу ном асли Россия империясидан бўлган, ўтган асрнинг ўрталаридан бошлаб АҚШда яшаётган 111 ёшли Александр Имичга тегишли. Бу ҳақда epochtimes.ru хабар берди.
Асил шарифи Имих бўлган қария ҳозирги Польша ҳудудида туғилган. Зоологлик бўйича ўқиган, кейин кимё билан шуғулланган. Уруш йилларида Ўзбекистонда яшаб, сўнг Польшага қайтиб борган, 50 йиллар бошида эса АҚШга кўчиб кетган.
Имич февраль ойида 111 ёшни қарши олган, ўша куни йиқилиб тушган, шундан бери тура олмайди. Бироқ, дўстларининг айтишича, унгача куч-қувватга тўла бўлган. Айни пайтда у келажак режаларини тузмоқда.
Изоҳ (0)