«Манчестер Сити» ўз тарихида тўртинчи марта Англия чемпиони бўлди

Англия Премьер лигасининг якуний 38-тур учрашувлари доирасида «Манчестер Сити» «Вест Хем»ни 2:0 ҳисобида мағлуб этди. Манчестерликлар таркибида Самир Насри ва Венсан Компанилар ўз ҳисобларига гол ёзиб қўйди, деб хабар беради Uff.uz.

Мазкур ғалаба «шаҳарликлар»га ўз тарихида тўртинчи бора Англия чемпионлиги унвонини қўлга киритишига замин яратди.

Аввалроқ, «Манчестер Сити» 1936/37, 1967/68 ва 2011/12-мавсумларда чемпионлик унвонини қўлга киритган эди.

Мавсум якунларига кўра, иккинчи ўринни «Ливерпул» эгаллади, кучли тўртликка эса «Челси» ва «Арсенал» клублари кирди.