АҚШ Суриядаги исёнчи кучларни қўллаб-қувватлаш дастури доирасида, қурол-яроғ диний ақидапараст гуруҳларнинг қўлига ўтмаслиги шарти билан, танкларга қарши ракета мажмуаларини жўнатди. Бу ҳақда USA Today нашри хабар бермоқда.
«Аввалига улар бу қуролларни ишлатиб кўради, қолгани эса бундан қандай самара чиқишига қараб режалаштирилади», – дейди нашрнинг аввал Америка ҳукуматида юқори лавозимда ишлаган манбаси.
«Кун»нинг хабар беришича, танкларга қарши ракета мажмуалари фойдаланишда мураккаб бўлган қурол бўлиб, у танкларни ва мустаҳкамланган бункерларни йўқ қилиш учун ишлатилади.
Аввалроқ, Россия Ташқи ишлар вазирлиги суриялик исёнчиларга АҚШ томонидан ракета мажмуаларининг етказиб берилиши расмий Вашингтонннинг Сурия можаросини сиёсий йўл билан ҳал этиш ҳақидаги иддаоларига зид келишини маълум қилган эди.
Изоҳ (0)