2008—2012 йиллар мобайнида транспортлардан ҳаво қатламига чиқарилаётган зарарли моддаларни камайтириш мақсадида 200 мингга яқин автотранспорт воситаси газ ёқилғисидан фойдаланишга ўтказилди. Шу давр мобайнида Ўзбекистонда 150 дан ортиқ автомобилларга газ тўлдириш комpressор станциялари ташкил қилинди, деб хабар берди «Interмобилгаз» компанияси директорлар кенгаши раиси, Ўзбекистонда хизмат кўрсатган қурувчи Муртазо Султонов «Туркистон press»га берган интервьюсида.
Янги автомобилларга газ тўлдириш комpressор станциялари ташкил қилиниши натижасида метан газининг ички истеъмоли кўрсаткичи қарийб тўрт баравар ошди. Шунингдек, суюлтирилган газ ички истеъмоли ҳам уч баравар ортди.
— Газ тўлдириш комpressорлари ва автомобилларга газ баллонлари ускунаси ишлаб чиқарувчи дунёдаги етакчи компаниялардан бири — Италия Республикасининг М.Т.М. BRC Гас Cомpressорс корхонаси мутахассислари билан биргаликда лойиҳалаштирилган ушбу лойиҳа «Ўзбекистон саноат-қурилиш банки»нинг молиявий ёрдами натижасида амалга оширилди, — дейди Муртазо Султонов. — Яна бир эътиборли жиҳат, бугунги кунда бу ерда 50 нафарга яқин коллеж битирувчилари иш билан таъминланди. Уларнинг аксарияти Италия Республикасининг Чераско шаҳридаги М.Т.М. BRC Гас Cомpressорс корхонасининг» «Лойиҳалаш», «Ишлаб чиқариш», «Йиғиш», «Тест ва синов», «Логистика», «Ташқи иқтисодий алоқалар ва молия» департаментларида ўз малакаларини ошириб қайтди.
Изоҳ (0)