Жанубий Кореяда чўкиб кетган «Севол» паромида олиб борилаётган қидирув-қутқарув ишлари вақтида кўнгилли ғаввослардан бири ҳалок бўлди, дея хабар бермоқда Лоcал 10 нашри.
Қайд этишларича, сувга шўнғиш вақтида 53 ёшли ғаввос ҳушидан кетган. Маҳаллий вақт билан 7:12 да дайверни шифохонага етказишган, бироқ шифокорлар ёрдам бера олмаган ва ғаввоснинг вафот этганини маълум қилган.
Хабар беришларича, ғаввос билан алоқа у сувга шўнғиб, 25 метр чуқурликка тушганидан сўнг тўхтаб қолган. Ҳозирги вақтда чўкиб кетган паром атрофидаги барча қидирув-қутқарув ишлари тўхатилган, деб хабар беради «Кун».
«Севол» пароми 16 апрель куни Жанубий Корея қирғоқлари яқинида ҳалокатга учраган эди. Кема бортида 476 нафар йўловчи бўлган. Ҳозиргача улардан 259 нафарининг жасади сув остидан олиб чиқилди.
Изоҳ (0)