LG Electronics L90 смартфонини намойиш этди

Испаниянинг Барселона шаҳрида бўлиб ўтган MWC—2014 кўргазмасида LG’нинг LIII серияли смартфонлари намойиш этилди. Ушбу серия моделлари учта: энг кичиги L40, ўртачаси L70 ва энг каттаси L90 бўлиб, улар интернет-манбалардан, ижтимоий тармоқлардан, почтадан ва турли бизнес дастурларидан фаол фойдаланувчилар учун жуда мос келади, деб хабар беради LG Electronics компанияси матбуот хизмати.

Ташқи кўриниши

Қора ва оқ рангларда сотувга чиқарилаётган LG L90 смартфони қулай ўлчамларда ва четлари доирасимон корпусда бўлиб, орқа қопқоғи лак шимдирилган матога ўхшаш кўринишга эга. Бу корпус қурилмани бармоқ изларидан ҳимоялайди. Смартфон бутунлай пластикдан қилинган бўлиб, унинг ён қисмига металлсифат кумушранг тасма туширилган. Аппаратнинг блоклаш тугмачаси ўнг томонда, овозни бошқарадиган тугмаси эса ҳар доимгидек чапда жойлаштирилган. Экраннинг қуйи қисмида уч асосий функция тугмаларидан ташқари, зарур ҳолатларда икки SIM-картанинг биридан фойдаланиш учун махсус яратилган тўртинчи тугма ҳам ўрнатилган.

LG L90 смартфонининг экрани катта бўлиб, унинг диагонали 4,7 дюймни, дисплейи эса 940×540 ўлчамни ташкил этади. IPS матрица, ҳаттоки, қуёш тушиб турганида ҳам осон ўқилиши учун қулай ёрқинлик захирасига эга. Смартфонга 8 мегапикселли камера ўрнатилган бўлиб, у 3264×2448 пиксел ҳажмида суратга олади. Кучли ёритгич эса қоронғи ҳолатда ҳам сифатли суратга тушириш имконини беради. Камера 1920×1080 пикселларда (30 fps), HD сифатида видеога олиши мумкин.

Қурилмавий қисми

Оператив хотира 1 Гб, ички хотира эса 8 Гбга тенг. Шунингдек, смартфонга 32 гигабайтли micro SD карталарини ўрнатиш мумкин. LG L90 максимал частотаси 1,2 ГГц бўлган кучли тўрт ядроли Qualcomm Snapdragon 400 чипида ишлайди. 2540 mAh сиғимли аккумулятор қуввати ўртача 15—16 соат ишлатиш учун етади, аммо тўхтовсиз ўйинлар ўйнаш ёки видеолар кўриш учун қўшимча қувватлаш керак бўлади.

L90’га киритилган инфрақизил порти ёрдамида смартфондан телевизорлар, DVD/BR плеерлар учун пульт сифатида ҳам фойдаланиш мумкин.

Дастурий қисми, KnockCode

Сўнгги версиядаги GoogleAndroid 4.4.2 (KitKat) аппарати LG Electronics янгиликлари билан тўлдирилган. Масалан, «тўла ҳажмли скриншот» функцияси веб-саҳифалар нусхаларини тўлиғича сақлаб қолиш имконини беради. «Смарт-буфер» эса махсус саҳифа элементларидан кўп нусха олиш учун яратилган бўлиб, бу кейинчалик ҳужжатда уларнинг ҳар биридан алоҳида фойдаланиш имкониятини беради.

Шубҳасиз, смартфоннинг энг қизиқарли функцияси KnockCode’дир. Энди фойдаланувчилар экранга билинар-билинмас тақиллатиш орқали қурилма дисплейини блок режимидан осонгина чиқаришлари ёки ушбу режимга киритишлари мумкин. Шунингдек, KnockCode ёрдамида маълумотлар ишончли ҳимояланади.

Реклама асосида. Матн: LG

Шунингдек, LG ҳақидаги янгиликларни компаниянинг Facebook, «Odnoklassniki» ижтимоий тармоқлари ҳамда YouTube, Mover ва MyTube сайтларидаги саҳифаларидан билишингиз мумкин.