Kickstarter’даги Vanhawks Valour лойиҳаси муаллифлари қайтадан велосипед ихтиро қилишди. Янги қурилма — юқори технологияли велосипед транспорт воситаси сифатида яратилди. Бу ҳақда Look At Me хабар берди.
Велосипед рулига иккита LED-лампалар ўрнатилган, улар бурилиш керак бўлган жойда ёниб-ўчади. Йўл ҳақидаги маълумотларни ақлли велосипед Bluetooth орқали смартфондан олади.
Дастакларда вибромоторлар жойлашган. Орқа ғилдирак сенсорлари бошқа транспорт воситаси яқинлашаётганини сезса, улар ишга тушади. Ушбу технология ёрдамида велосипедда наушник орқали мусиқа эшитиш хавфсизроқ бўлади.
Сафарлар ҳақидаги барча маълумотларни велосипед iOS ва Android’даги тегишли дастурга юклайди. Бундан ташқари, велосипед ўғирлаб кетилган тақдирда, уни ўша дастур орқали топиш мумкин бўлади.
Лойиҳа зарур миқдордаги суммани йиғишга муваффақ бўлди. Илк велосипедлар октябрда сотувга чиқади. Уларнинг нархи 1049 долларни ташкил этади.
Изоҳ (0)