Йигирма йилдан буён Россия билан ҳамкорлик алоқаларини ўрнатишга ҳаракат қилаётган НАТО эндиликда Москвани рақиб деб билишни бошламоқчи. Бу ҳақда альянс бош котиби ўринбосари, АҚШнинг Россиядаги собиқ элчиси Александр Вершбоу журналистларга берган интервьюсида маълум қилди.
Унинг айтишича, Қримнинг Россия томонидан «забт этилиши» ва унинг Украина шарқидаги тартибсизликлар устидан «очиқдан-очиқ манипуляцияси» НАТО ва Россия орасидаги муносабатларни тубдан ўзгартириб юборди.
Вершбоу Россияни ўз чегарасидаги НАТОга аъзо мамлакатларга ҳар қандай тажовуздан тутиб қолишга қаратилган янги мудофаа чораларини кўраётганини таъкидлади. Бундай чора-тадбирлар доимий ёки ротация асосида Шарқий Европага йирик миқдордаги иттифоқдош ҳарбий кучларни ёйишни ҳам ўз ичига олиши мумкин, дея аниқлик киритди у.
1 апрель куни НАТО Россия билан ҳамкорликни тўхтатиш ҳақида қарор қабул қилган, альянс мамлакатлари ТИВ раҳбарлари Қримдаги референдумни қонуний деб билишдан бош тортган эди.
Изоҳ (0)