Россиялик альпинистлар Виктор Иголкин ва Павел Ивановский Непалда Ҳимолай тоғларидаги Ама-Даблам чўққисига чиқиш вақтида вафот этишди. Бу ҳақда The Himalayan Times газетаси хабар берди.
Тахмин қилинишича, сайёҳлар юқори баландликда ҳаво таркибида кислород етишмаслиги билан боғлиқ тоғ касаллигидан кўз юмган. 47 ёшли Виктор Иголкин 29 апрель, сешанба куни, 63 ёшли Павел Ивановский эса бир кун кейин 4,9 минг метр баландликдаги лагерда вафот этган. Россияликларнинг мурдалари Катмандуга юборилди, у ерда ўлимнинг аниқ сабаби ўрганилади.
Аму-Дабламнинг асосий чўққиси 6812 метр, пастки чўққиси 5563 метр баландликда жойлашган. Чўққи Непалда хорижлик сайёҳлар орасида энг машҳурларидан бири ҳисобланади.
Изоҳ (0)