«Ўзбекистон ҳаво йўллари» миллий авиакомпанияси 2015 йилда очиладиган янги — Тошкент— Мюнхен—Урганч ва Тошкент—Вена—Урганч рейслари тақдимотини ўтказди, дея хабар бермоқда авиакомпания матбуот хизмати маълумотига асосланиб Anhor.uz.
«Кун» хабарига кўра, ушбу рейсларнинг очилишидан Германиядаги сайёҳлик ташкилотлари айниқса манфаатдор.
24 апрель куни Венадаги Ҳилтон меҳмонхонасида Ўзбекистон ва Австрия делегациялари учрашуви бўлиб ўтди ва унда Тошкент—Вена—Урганч йўналиши бўйича рейслар қатнови 2015 йил 15 мартидан бошланиши ойдинлашди. Аввалроқ, ушбу йўналиш бўйича қатновлар 2015 йил 25 мартидан бошланиши ҳақида хабар берилган эди.
Boeing 757 самолётлари парвоз қиладиган Тошкент—Вена—Урганч рейси чипталари нархи 500 евро бўлиб, чипталарни фақат саёҳат агентликлари (турагентликлар) орқали сотиб олиш мумкин бўлади.
Austrianaviation.net’нинг Австриянинг ташқи иқтисодий масалалар бўйича бош директори Франс Вессигдан иқтибос келтиришича, Ўзбекистон ва Австрия ўртасидаги муносабатлар мустаҳкамланиб бормоқда ва тўғридан-тўғри рейснинг очилиши бунга далилдир.
«Австрияликларга Ўзбекистонга боришлари учун виза керак бўлади, бироқ Ўзбекистон консуллигидагиларнинг таъкидлашлирича, виза тақдим этиш жараёни 3—4 кундан ошмайди», — деди Вессиг.
Изоҳ (0)