Украина Россия билан чегарани ёпиб қўйди
Украина ҳукумати мамлакат ҳудудига Россия Федерацияси, Қрим Республикаси ва Севастополь фуқаролари киришини ман қилди. Бу ҳақда TJournal хабар берди.
17 апрелдан бошлаб Украина чегарасини кесиб ўтишда РФнинг 16 ёшдан 60 ёшгача бўлган эркак фуқаролари, шунингдек Қрим ва Севастополда рўйхатдан ўтган Украина фуқароларига рухсат берилмайди. Украинанинг Қрим ва Севастополдан келган 20—35 ёшли аёл фуқароларига эса «фильтрация-текшириш тадбирлари» ўтказиш натижаларига қараб рухсат берилади.
Украина ҳудудига фақат фавқулодда ҳолатларда кириш мумкин бўлади. Масалан яқин қариндошларнинг ўлими ёки оғир касаллиги билан боғлиқ ҳолатларда, бироқ шунда ҳам қариндошлик алоқасини тасдиқловчи ҳужжат кўрсатилиши керак бўлади.
Айни пайтда йўловчиларга Украинага саёҳат қилмаслик тавсия этилмоқда.
