17 апрель куни Тошкент вақти билан соат 00:30 да Испания Кубоги финалида «Барселона» ва «Реал» жамоалари ўртасида учрашув ўтказилди. Навбатдаги «Эль-Класико»да «Реал» 2:1 ҳисобида ғалаба қозонди ва ўз тарихида 19 марта Испания Кубоги соҳибига айланди.
Uff.uz’нинг хабар беришича, 11-дақиқада «Реал» ҳужумчиси Карим Бензема Ди Марияни қулай вазиятга чиқариб юборди ва аргентиналик футболчи сўнгги зарбани беришда адашмади — 1:0.
Шундан сўнг «Барселона» вазиятни ўнглашга ҳаракат қилган бўлса-да, мадридликлар ҳимояни мустаҳкам ушлаб турди. Бироқ 68-дақиқада бурчак тўпидан сўнг Марк Бартра бош билан гол киритишга муваффақ бўлди. Кейин ўйинда устунлик «Барселона» томонига ўтди.
«Реал» учун имкон деярли қолмагандек кўринган лаҳзада, аниқроғи, 85-дақиқада Гарет Бейл «Барселона» дарвозасини ишғол этди – 2:1.
Шундай қилиб, «Эль-Класико» «Реал» ғалабаси билан якунланди.
Изоҳ (0)