Россиянинг Су-24 бомбардимончи самолёти 12 апрель куни Қора денгизга киритилган АҚШ HDКнинг «Дональд Кук» эсминецига бир неча марта жуда яқин масофада учиб ўтди. Бу ҳақда Gazeta.ru Пентагон матбуот котиби Стив Уоррен берган маълумотга таяниб хабар қилди.
Маълум бўлишича, самолёт «Дональд Кук» Қора денгизнинг шимолий қисмида бўлган маҳал унинг устидан 12 марта пастлаб учган. Айни пайтда эсминец Руминиянинг Констанца портида турибди.
«Россия ҳарбийларининг бундай ғаламисона ва нопрофессионал ҳаракатлари ўз низомларини, шунингдек, бизнинг қуролли кучлар билан ўзаро битимни ҳам бузади», — деди Уоррен.Шу билан бирга, Пентагон матбуот котиби Россия Су-24’ида ҳеч қандай қурол аниқланмаганини таъкидлади. Россия Мудофаа вазирлиги ҳозирча бу маълумотга изоҳ бергани йўқ.
Изоҳ (0)