Ўзбекистон Республикаси Сенати Олий Мажлиснинг 1998 йил 29 августдаги «Ўзбекистон Республикаси Марказий сайлов комиссиясини тузиш тўғрисида»ги 676–II—сонли Қарорига қисман ўзгартишлар киритиб, қарор қабул қилди. Қарор матни ЎзА томонидан эълон қилинган.
Қарорда таъкидланишича, Ўзбекистон Республикаси Олий Мажлиси Қонунчилик палатасининг 2014 йил 3-апрелдаги «Ўзбекистон Республикаси Марказий сайлов комиссиясининг таркибига ўзгаришлар киритиш тўғрисида»ги 890–II-сонли ва 2014 йил 7-апрелдаги «Ўзбекистон Республикаси Марказий сайлов комиссиясининг таркибига ўзгаришлар киритиш тўғрисида»ги 892–II-сонли қарорлари маълумот учун қабул қилинган.
Қарорга кўра, қуйидаги шахслар Ўзбекистон Республикаси Марказий сайлов комиссиясининг аъзолари этиб сайланиши лозим:
- Абдувахитов Абдужабар Абдусаттарович – Ўзбекистон Республикаси Президенти ҳузуридаги Давлат бошқаруви академияси ректори
- Абдуназаров Олимжон Тоштемирович – Ўзбекистон Республикаси Молия вазирлигининг Сурхондарё вилоятидаги назорат-тафтиш бошқармаси бошлиғи
- Артикова Светлана Баймирзаевна – Ўзбекистон Республикаси Олий Мажлиси Сенатининг Қонунчилик ва суд-ҳуқуқ масалалари қўмитаси раиси
- Курбанкулов Суяржон Машарипович – Ўзбекистон ногиронлар жамияти раиси
- Мирзаев Абдуманоб Кучкарович – Фарғона вилояти табиатни муҳофаза қилиш қўмитаси раиси
- Норов Жалил Халилович – Ўзбекистон фахрийларини ижтимоий қўллаб-қувватлаш «Нуроний» жамғармасининг Навоий вилояти бўлими раиси
- Ражабов Эсанбай – Қашқадарё вилояти касаба уюшмалари ташкилотлари бирлашмаси раиси
- Сирожиддинов Шуҳрат Самариддинович – Самарқанд давлат чет тиллар институти ректори
- Фаттоев Ёқуб Талабович – Бухоро вилояти Пешку тумани «Фаттоев» фермер хўжалиги раҳбари
- Ходжакулов Эркин Гайбуллаевич – Жиззах вилояти адлия бошқармаси бошлиғи
Қарор Ўзбекистон Республикаси Олий Мажлисининг Қонунчилик палатасига юборилади ва у қабул қилинган кун (2014 йил 10 апрель)дан эътиборан кучга киради.
Изоҳ (0)