Ўзбекистонда янги «Биоплант» препаратининг клиникагача бўлган синов ишлари муваффақиятли кечди. У жарроҳлик ва тиббий косметологияда қўлланилиши кўзда тутилган, дея хабар берди «Туркистон-пресс».
Янги препарат сурункали, узоққа чўзилган, куйган яралар, тери қатлами ва юмшоқ тўқималар нуқсонларига қарши ишлатилади.
«Биоплант»ни Ўзбекистон Фанлар Академияси академик Содиқов номидаги Биоорганик кимё институти мутахассислари ишлаб чиқишди.
Препарат асосини организмдаги бириктирувчи ҳужайралар таркибида мавжуд бўлган, уни эластиклик ва мустаҳкамлик билан таъминлайдиган коллаген — оқсил ташкил этади.
Айни пайтда препарат қўлланилиши бўйича норматив ҳужжатлаштириш ишлари олиб борилмоқда. Олдинда эса уни клиник синовлар кутмоқда.
Изоҳ (0)