АҚШнинг Юта штати фуқароси ўғлининг Facebook’даги шахсий саҳифасида тенгдошлари томонидан қилинган таҳдидларни кўриб қолиб, полицияга хабар берди. Бу ҳақда CNet маълумотига асосланиб Tjournal нашри хабар берди.
Унда Солт-Лейк-Ситида истиқомат қилувчи икки нафар ўсмирлар ўз тенгқурига ўлим билан таҳдид қилган ва унинг мактабига бориб отиб ташлашини ёзган.
Хавотирга тушган она мактаб маъмуриятига мурожаат этган, улар полиция билан боғланишга қарор қилган.
Маълум бўлишича, иккала жиноятчи ўсмирлар ҳам 16—17 ёшларда бўлиб, мактабда ўқимаган. Қўлга олинган вақтда эса уларнинг ёнидан гиёҳванд моддалар ва ўқланган тўппонча топилган.
«Йигитлар Facebook’да ёзганидек айнан ваъда қилинган жойга қурол билан келган. Менимча, бу ҳақиқий таҳдидни англатади. Интернетда қилаётган ҳар қандай ҳаракатимизнинг оқибати бўлишини унутмаслигимиз керак», — дейди Солт-Лейк-Сити полиция ходими Грэг Уилкинг.
Қўлга олинган ўсмирларни қандай жазо кутаётгани ҳозирча номаълум.
2013 йилнинг август ойида Нью-Йорк полицияси ноқонуний қурол савдоси билан боғлиқ тарихдаги энг катта ишни фош этган эди. Ушбу ишни очишга Instagram ижтимоий тармоғидаги расм сабаб бўлган. Унда тўппонча ва пул кўтарган репер Меттью Бест акс этган.
Изоҳ (0)