Дэвид Бекхэм шотланд вискисини ишлаб чиқаришни бошлади
Англиялик машҳур футболчи Дэвид Бекхэм кутилмаганда Шотландия вискисини ишлаб чиқариш билан шуғуллана бошлади. Бу ҳақда «Вести» нашри хабар берди.
Ичимлик ўзгача шаклдаги тўқ кўк ранг тўғри бурчакли ва зарҳал қопқоқли идишларга қуйилади. Журналистлар мазкур янгиликни соқол олишдан сўнг ишлатиладиган юқори дизайндаги атир шишаларига ўхшатди.
Вискининг янги маркаси Haig Club деб номланади. Дэвид Бекхэм мазкур лойиҳани дўсти ва ҳамкори Саймон Фуллер билан биргаликда амалга оширди. Вискини Шотландиядаги эски ароқ заводи саналган The House of Haig’да ишлаб чиқариш кўзда тутилган. Савдо ишларини эса алкогол ичимликлари олди-сотдиси билан шуғуллаувчи энг йирик компаниялардан бири — Diageo юритади.
«Мен The House of Haig билан ҳамкорлик қилишдан бахтиёрман. Компания 400 йиллик тарихга эга. Биз унинг эски анъаналарини сақлаб қолган ҳолда виски оламига ўз янгилигимизни киритамиз», — дейди машҳур спортчи ва тадбиркор Дэвид Бекхэм.
