Бухоро вилоят ҳокимлиги ва Маданият саройи томонидан «Бухоро Палас» меҳмонхонаси қаршисида Абу Али ибн Сино номидаги хиёбон қурилади. Бу ҳақда «Восточный экспресс» нашри хабар берди.
Бухоро марказидаги ушбу хиёбонда мусиқали фаввора бўлиши кузда тутилган. Бутун мажмуа асосий мусиқий ва яна иккита «қуруқ» фавворалар, музқаймоқ кафелари ҳамда дам олиш шийпончаларидан иборат бўлади. Бутун ҳудуд бўйлаб Қрим арчалари экилади. Маданият саройи ҳам таниб бўлмайдиган даражада ўзгартирилади, дейилади хабарда.
«Қуруқ» деб аталаётган фаввораларнинг ўзига хос жиҳати шундаки, улардан сув оқиб эмас, сочилиб тушади. Кафе ва шийпончалар эса миллий кўринишга эга бўлади.
Тахминий нархи 3 миллиард сўм бўлган мажмуа яқин ойларда қуриб битказилади.
Изоҳ (0)