Украина Ички ишлар вазирлиги Харьков шаҳрида «аксилтеррор операция» бошлади. Бу ҳақда Олий Рада томонидан ички ишлар вазири этиб тайинланган Арсен Аваков хабар берди, деб ёзади «ИТАР-ТАСС».
«Аксилтеррор операция бошланди. Шаҳар маркази ўраб олинди. Хавотирга тушманг. Операция якунлангач, очамиз», – дея таъкидлади Аваков.
Аввалроқ, Украинанинг шарқий ва жанубий ҳудудларига мамлакатнинг бошқа қисмларидан милициянинг қўшимча бўлинмалари жалб этилган эди. «Бу махсус бўлинмалар тезкор топшириқларни ҳал этишга тайёр», – дея Аваковнинг сўзларини келтиради Украина ИИВ матбуот хизмати.
7 апрель куни бир гуруҳ фаоллар Харьков вилоят маъмурияти биносида «вилоят громадаси йиғилиши»ни ўтказишган ва Харьков вилояти кенгаши депутатларига нисбатан ишончсизлик билдирилиб, ўзлари «муқобил депутатлар» рўйхатини тузишган. Сўнг сессия ташкил этиб, унда мустақил «Харьков халқ республикаси» давлатини тузиш ҳақида қарор қабул қилишган.
Изоҳ (0)