«Ўзэлтехсаноат» уюшмаси очиқ акциядорлик жамияти шаклидаги «Ўзэлтехсанаот» акциядорлик компаниясига айлантирилди. Бу ҳақда UzDaily хабар берди.
Тегишли қарор Ўзбекистон Президенти томонидан қабул қилинди. Янги компания электротехника соҳасидаги корхоналарнинг ишлаб чиқариш ва маркетинг фаолиятини мувофиқлаштириш билан шуғулланади.
«Ўзэлтехсаноат» АК ишлаб чиқарилаётган маҳсулотларга ички ва ташқи бозорлардаги талабни ўрганади ва корхоналарга янги электротехник маҳсулотлар ишлаб чиқаришни йўлга қўйишда кўмаклашади.
Шунингдек, у соҳада электротехник маҳсулотлар ишлаб чиқаришни кенгайтириш ва модернизация қилиш ҳамда маиший электротехника бўйича хорижий инвесторларни жалб этиш учун ҳам масъулдир.
Изоҳ (0)