Ўзбекистонда Android операцион тизимида ишлайдиган биринчи Nokia телефони сотувга чиқди. Nokia Х 6 мартдан буён Тошкентнинг «Флешка» савдо мажмуасида сотилмоқда. Бу ҳақда Mobinfo.uz хабар берди.
Nokia Х икки ядроли Qualcomm Snapdragon S4 процессори, 4 дюймли IPS-дисплей ва 2048×1536 px ўлчамдаги суратларни олиш мумкин бўлган 3 мегапикселли камера билан жиҳозланган.
Аккумулятор қуввати соатига 1500 мегаампер бўлиб, у қурилманинг кутиш режимида 408 соат ва суҳбатлашиш режимида 13,5 соат ишлай олишини таъминлайди.
Телефон Wi-Fi, стерео Bluetooth, USB-портдан ташқари, GPS-приёмникка ҳам эга.
Nokia X’га бир вақтнинг ўзида иккита SIM-картани ўрнатиш мумкин.
Пойтахтнинг «Флешка» мажмуасида телефонни 415 минг сўмга харид қилиш мумкин.
Изоҳ (0)