Ўзбекистонда хизмат кўрсатган артист Севара Назархон Россия Биринчи каналидаги «Точь в точь» («Худди ўзгинаси») шоусининг олтинчи турида жаҳон киноюлдузи Одри Хепбёрн яратган Холли Голайтли кинообрази қиёфасида саҳнага чиқди. Бу ҳақда «12uz.com» хабар берди.
Навбатдаги босқичда Севара Одри Хепбёрннинг «Тиффаниникида нонушта» кинофильмидаги Moon river ашуласини ижро этди.
Ҳакамлар ҳайъати аъзолари: Леонид Ярмольник, Анна Ардова, Любовь Казарновская ва Геннадий Хазанов Севаранинг чиқишини аъло даражада деб баҳолади ва максимал 20 балл қўйди.
Кейинроқ бетараф ҳакам Маурицио Швейцер Севарага 4 балл қўйди ва ўзбек хонандаси 24 балл билан тўртинчи ўринни эгаллади.
Эслатиб ўтамиз, Севара Назархон мазкур шоунинг биринчи раундида 23 очко билан бешинчи ўринни, иккинчи босқичида 21 очко билан тўққизинчи ўринни, учинчи турида 25 балл тўплаб, тўртинчи ўринни эгаллаган эди. Тўртинчи раундда Севара Дмитрий Колдун ва Ирина Дубцова билан бир хил — 24 балл, бешинчи босқичда эса 23 балл йиғган эди.
Изоҳ (0)